Flashplayer erforderlich
Erlebnis Lesachtal > Startseite > Nachrichtenleser

Weihnachtswünsche 2019

  Inso Voreinsjohr 2019

(hintogschaug und widdo gschrieb´n as wia geredt) 

 

I sitz holt schon widdo amol do mit Bleistift und Popier,

und denk mo hamla, he zisch is 2019a Johr a bold vir.

 

Nochdenklich bin i wort´n, toi übolegn und maan,

wia´s eppa war, könnat man is Radl do Zeit anfoch hintodrahn.

 

Leit de man vomisst, warnt vielleicht no do, und aniga Sochn tat man ondoscht mochn,

man tat sich viel Blärrn dosporn, und könnat dofir viel mehr Loch´n.

 

Obo is Lebm isch holt amol asou,  toi i mir denk´n,

do Himmlvoto tuat gebm und nemm, und sou inso Lebm lenk´n.

 

Wohrscheinlich is Recht sou, und olls hot sein Sinn,

Leit wos ins schon vorausgong seind, de hot man souwisou tiaf in Herzn drinn.

 

Sischto hot man ibo´s  Johr n holt gschaug dos olls sein Weck geah´n tuat,

hot geredit, georbatit, organisiert und geputzt- und asou wor und isch es guat. 

 

Noch den Unwetto van leschtn Johr ot´s in do Erlebniswelt viel zommeghaut,

obo mit viel Einsotz und helfnta Hänte, hommo olls widdo schean aufgebaut.

 

In Parkplotz gräsa, a drumm Klettosteig noi und an Getränkeautomat hommo installiert,

va ibroll her seind Leit kemm und hont dodurch insra Orbat honoriert.

 

A di Führungen in do Erlebniswelt seind widdo guat geloffn,

ma hot hi und do a Einheimischa getroffn.

 

Geschte seind sowisou widdo viel gewesn,

dos wet dös obo eh ba do Johreshauptvosommlung hern und les´n.

 

Deswegn kömmo donkbor hintoschaugn,

wenn olls guat laft tuats et lei in Obmonn taugn.

 

Geplant hommo hoir nou an Adventzaubo und a Schlietnrennen

mir hoffn, das zi bada  Veronstoltungen gonz viel Leitlan kemmen.

 

Afalescht mögat i mi ba olla herzlich bedonkn und Vogelt´s Gott sogn,

fir olla wos inson Vorein untostitznt, und et longe tiant frogn.

 

Sou isch a is Johr 2019 vofloug´n und  viel zi schnell vobei gewes´n,

nemmt enk desweg´n a bissl Zeit, insra Weihnachtsposcht zin les´n.

 

Hez winsch mo enk nou, wia olla Johr is Beschte,

fir enkra Familie, Haus und Houf- und gonz viel Geschte.

            (Andreas ORTNER, im Advent 2019) 

Alle guten Wünsche zur Advent- und Weihnachtszeit, sowie zum bevorstehenden Jahreswechsel, entbietet der Vorstand des 

Tourismusvereins  Liesing

 

 

Anna STADLOBER- WILHELMER, Kathrin  UNTERWEGER,

Josef STABENTHEINER, Sophie Madlen STABENTHEINER, Erwin SOUKUP,

Martin STABENTHEINER, Andrea GUGGENBERGER,  Andreas  ORTNER

Zurück